जय भगवति देवि नमो वरदे

जय भगवति देवि नमो वरदे, जय पापविनाशिनि बहुफलदे !

जय शुम्भनिशुम्भकपालधरे, प्रणमामि तु देवि नरार्तिहरे !!

जय चन्द्रदिवाकरनेत्रधरे, जय पावकभूषितवक्त्रवरे !

जय भैरवदेहनिलीनपरे, जय अन्धकदैत्यविशोषकरे !!

जय महिषविमर्दिनि शूलकरे, जय लोकसमस्तकपापहरे !

जय देवि पितामहविष्णुनते, जय भास्करशक्रशिरोऽवनते !!

जय षण्मुखसायुधईशनुते, जय सागरगामिनि शम्भुनुते !

जय दुःखदरिद्रविनाशकरे, जय पुत्रकलत्रविवृद्धिकरे !!

जय देवि समस्तशरीरधरे, जय नाकविदर्शिनि दुःखहरे !

जय व्याधिविनाशिनि मोक्ष करे, जय वाच्छितदायिनि सिद्धिवरे !!

जय भगवति देवि नमो वरदे, जय पापविनाशिनि बहुफलदे !

जय शुम्भनिशुम्भकपालधरे, प्रणमामि तु देवि नरार्तिहरे !!

Share on Google Plus

About सौरभ मैथिल

This is a short description in the author block about the author. You edit it by entering text in the "Biographical Info" field in the user admin panel.